Policia e Kosovës ka arrestuar pesë persona të dyshuar për shitblerje të substancave narkotike, në një operacion të zhvilluar në fshatin Dumoshë në Podujevë, në qytetin e Podujevës dhe një në Prishtinë.
Sipas PK-së dy nga të arrestuarit janë kapur në flagrancë, kurse tre të tjerë janë arrestuar në një operacion tjetër të zhvilluar.
Gjatë këtij aksioni policia ka sekuestruar edhe para të gatshme, telefona e vetura.
“Me vendim të prokurorit pas intervistimit dy nga të dyshuarit janë dërguar në mbajtje, ndërsa i dyshuari i tretë është liruar në procedurë të rregullt”, thuhet nga Policia.
