Policia e Kosovës ka arrestuar katër persona të mitur, për arsye se kishin sulmuar fizikisht dy viktima të tjerë të mitur.
Sipas raportit të policisë, të dyshuarit pas intervistimit në prezencë të prindërve dhe avokatëve janë dërguar në mbajtje.
Rasti ka ndodhur të martën në Lipjan.
“Rr. Haradin Bajrami, Lipjan 07.05.2024 – 13:00. Janë arrestuar katër të dyshuar meshkuj kosovarë (të mitur) për arsye se kishin sulmuar fizikisht dy viktimat meshkuj kosovarë po ashtu të mitur. Të dyshuarit pas intervistimit në prezencë të prindërve dhe avokatëve me vendim të prokurorit, janë dërguar në mbajtje”, thuhet në raport./teve1.info/