Policia e Kosovës ka arrestuar katër persona të dyshuar për vjedhje të rëndë në tentativë në Vushtrri.
Ata dyshohet se kanë kryer vjedhje më 13 qershor.
“Reagimi i shpejtë i njësive policore ka rezultuar që të lokalizohen dhe të arrestohen katër të dyshuar në një punishte në hekurudhë. Personave të dyshuar u janë konfiskuar disa bidonë dhe një gyp plastik, me të cilët kishin tentuar nxjerrjen e naftës nga një ekskavator, ku më parë me forcë e kishin hapur kapakun e rezervuarit”, thuhet në njoftim.
Lidhur me rastin dhe veprimet e ndërmarra është njoftuar prokurori i rastit, i cili ndaj katër të dyshuarve, shtetas të Republikës së Kosovës, është caktuar masa e ndalimit policor për 48 orë, ku iu është iniciuar rasti për veprën penale ‘vjedhje e rëndë në tentativë’./teve1.info/
