Dy persona të dyshuar për veprën penale “vjedhje e rëndë” janë arrestuar të enjten nga hetuesit e Sektorit Rajonal të Hetimeve në Mitrovicën e Jugut.
Sipas Policisë, arrestimi është bërë pas një hetimi intensiv dhe mbi bazën e provave të siguruara, të cilat ngritin dyshime të arsyeshme se të dyshuarit, në bashkëveprim, kanë kryer një vjedhje të rëndë të raportuar dy ditë më parë.
Ata dyshohet se kanë vjedhur një shumë parash nga banesa private e një qytetari.
Pas intervistimit dhe procedurave të tjera hetimore, me vendim të prokurorit të rastit, të dyshuarve, të cilët janë të moshës së mitur, u është caktuar masa e ndalimit policor për 24 orë./teve1.info/
