Dy persona të mitur janë arrestuar nga Policia e Kosovës, nën dyshimin për përfshirje në një rast grabitjeje të ndodhur në orët e hershme të mëngjesit në rrugën “Isa Kastrati” në Prishtinë.
Sipas njoftimit zyrtar, rreth orës 03:00 është raportuar për një grabitje, ndërsa njësitë policore të stacionit “Veriu” kanë reaguar menjëherë, duke identifikuar dhe ndaluar të dyshuarit:
E.L., mashkull, 17 vjeç, shtetas i Republikës së Kosovës
L.G., mashkull, 17 vjeç, shtetas i Republikës së Kosovës
Të dyshuarit janë ndaluar me vendim të prokurorit të shtetit dhe ndodhen në mbajtje, ndërsa hetuesit po vazhdojnë me procedurat për zbardhjen e plotë të rastit.
Policia nuk ka dhënë detaje shtesë lidhur me rrethanat e grabitjes apo dëmet e shkaktuara.
