Policia e Kosovës i ka arrestuar dy persona në Prishtinë dhe i ka dërguar në mbajtje, pasi ishin përleshur fizikisht mes vete, raporton teve1.info
Sipas raportit të Policisë, të njëjtit kanë pranuar edhe tretman mjekësor.
“Prishtinë 13.02.2023 – 14:00. Janë arrestuar dy të dyshuar meshkuj kosovarë pasi që të njëjtit pas një fjalosje në mes veti janë përleshur fizikisht dhe të njëjtit kanë pranuar tretman mjekësor. Në konsultim me prokurorin pas intervistimit, të dyshuarit janë dërguar në mbajtje”, thuhet në njoftimin e Policisë.
Ndërkohë, një rrahje tjetër është parandaluar në Lipjan derisa dy persona janë ndaluar pasi tek ta policia ka gjetur nga një thikë.
Sipas raportit të Policisë, pas konsultimit me prokurorin të njëjtit janë liruar në procedurë të rregullt kurse rasti është cilësuar si sulm.
“Lipjan 13.02.2023 – 12:00. Njësiti policor ka parandaluar një rrahje në mes të dy personave meshkuj kosovarë, ku gjatë kontrollit në trupin e të dy personave kanë gjetur nga një thikë. Në konsultim me prokurorin kujdestar iniciohet rasti si më lartë. Rasti në procedure hetimore”, thuhet në raportin e Policisë së Kosovës.
