“Axhenda ime është shumë e thjeshtë. Ajo ka vetëm tre artikuj në të. Janë armë, armë dhe armë”, u tha Kuleba gazetarëve.
Sigurimi i Ukrainës me armë ishte mënyra më e mirë për të “frenuar Putinin dhe për të mposhtur ushtrinë ruse në Ukrainë, në territorin e Ukrainës, në mënyrë që lufta të mos përhapet më tej”, tha Kuleba.
“Sa më shumë armë të marrim dhe sa më shpejt të mbërrijnë në Ukrainë, aq më shumë jetë njerëzore do të shpëtohen, aq më shumë qytete dhe fshatra nuk do të shkatërrohen dhe nuk do të ketë më Buchas”, deklaroi ai.
Ai u bëri thirrje ministrave të Jashtëm të NATO-s dhe G7-ës që të “lënë mënjanë hezitimet e tyre, ngurrimin për t’i ofruar Ukrainës gjithçka që i nevojitet”, duke përfunduar se “sado e çuditshme që mund të duket, sot armët i shërbejnë qëllimit t paqes”.
Duk folur pranë Kuleba, Sekretari i Përgjithshëm i NATO-s, Jens Stoltenberg ka thënë se vendet e NATO-s “po ju ofrojnë mbështetje pajisjesh për të mbështetur të drejtën tuaj për vetëmbrojtje, e cila është e sanksionuar në Kartën e OKB-së dhe është një nevojë urgjente për të mbështetur më tej Ukrainën”, shkruan CNN, përcjell teve1.info
Stoltenberg tha se ishte i sigurt se NATO do të “zgjidhë nevojën për më shumë sisteme të mbrojtjes ajrore, armë antitank, armë më të lehta por edhe më të rënda dhe shumë lloje të ndryshme mbështetjeje për Ukrainën”
