Në një lidhje direkte në Tëvë 1, Arifi tha se nuk është në rregull që kryeministri Albin Kurti dhe presidentja Vjosa Osmani mos t’i vizitojnë ish-krerët e UÇK së në Hagë.
Sipas tij, kjo është dobësi njerëzore dhe institucionale e krerëve më të lartë shtetërorë të Kosovës.
“Nuk është mirë, nuk është në rregull mos t’i vizitojnë. Së pari është dobësi njerëzore para se të jetë dobësi institucionale dhe besoj që vizita duhet të jetë nga krerët më të lartë të shtetit, siç është kryeministri dhe presidenti, pikë së pari në baza humane… Ka mundësi që të ketë pasur diversitet të mendimit politik si dhe plasaritje në vitet e kaluara në nivel politik, mirëpo tani është situata ndryshe, duhet të kuptojmë se ata njerëz janë padrejtë aty brenda dhe janë njerëz familjarë, janë baballarë dhe e vuajnë që në mënyrë të padrejtë që janë në burg të akuzuar. Por ata janë edhe krenarë në të vyjtën kohë sepse janë të akuzuar për një proces që e kanë udhëhequr ata dhe sot ne shfrytëzojmë”, tha Arifi.
Ai tutje theksoi se Kosova sot e shijon lirinë falë krerëve të UÇK-së që janë të akuzuar padrejtësisht në Hagë, teksa thekson se Kurti dhe Osmani duhet t’i vizitojnë ata së paku për respektin që ju takon.
“Këta burra në atë kohë e kanë marrë pushën në dorë dhe e kanë organizuar ushtrinë dhe kanë luftuar kundër Millosheviqit dhe prandaj duhet me pasur respekt për ta. Unë kam respekt për presidencën dhe kryeministrinë ama duhet t’i vizitojnë së paku në baza humane pa interes me ju dhanë një respekt që ju takon”, tha Arfi në emisionin “Ditari” në Tëvë1. /Teve1.info/
