Sipas tij, nëse e Qeveria e ka fokusuar këtë politikë te targat, atëherë ia ka “huqur”.
“Targat nuk duhet të jenë qëllimi i politikës kosovare. Pra, nëse e kanë fokusuar këtë politikë te targat, atëherë realisht mund të themi që ja kanë huqur. Nëse e shohim në detaje, nuk kanë kërkuar ndërkombëtarët të shtyhet afati për targat, por ne në një far forme i kemi lutur, kjo pasi nuk kemi aftësi menaxheriale për ta kontrolluar këtë situatë. Po mos të ishte intervenimi amerikan, situata do eskalonte. Mirëpo, duhet ta kuptojmë qe veriu nuk është çështje ushtarake dhe policore, është çështje politike. Lehtësimi i pagesës për targat nuk është parimor, por është interes politik. Pra, çështja e targave nuk është barazi, është interes politik”, deklaroi Arifi në emisionin “Këndi i Debatit” në Tëvë1.
Tutje, Arifi shtoi se interesi amerikan nuk e ka për synim ta shndërrojnë debatin dhe fokusin vetëm në targa, por në zgjidhjen finale, Prandaj sipas tij, kjo ishte arsyeja pse ata kërkuan që afati për regjistrimin e veturave në targat RKS, të shtyhet për 10 muaj./Tëvë1.info/
