“Është një vendim i mirë, një qeveri serbe e cila na pasivizon neve për të votuar konkretisht përmes procesit të masivizimit të adresave të shqiptarëve në Luginën e Preshevës ka të drejtë morale dhe politike të bëjë një kërkesë në Kosovë që të vendos zgjedhje për minoritetin e tyre brenda Kosovës, unë e kam përshëndetur këtë vendim i cili është një vendim i mençur duke pasur parasysh shtetëndërtimin dhe trajtimin që ia bënë Serbia Shqiptarëve në Luginën e Preshevës”, ka thënë Arifi.
Ish-kryetari i Preshevës, Shqiprim Arifi, tha se të rinjtë nuk po mund ta gjejnë vetën në Luginën e Preshevës.
“Të rinjtë dhe të rejat nuk po munden me gjetë vetën në Luginën e Preshevës. Ne duhet të apelojmë, të lobojmë dhe ta ngjisim zërin tonë për masivizimin sidomos të shqiptarëve se pasivizomi i adresave të shqiptarëve është në rend me disa mekanizma shtetëror e diskriminues ndaj shqiptarëve. Tash kjo është e fundit, ku këtu bëhet fjalë për shqiptarët ku pasivizohen, tu merret prona dhe identiteti të cilin e kanë pasur deri në atë moment në atë vend ku kanë jetuar. Shpresojmë që lista jonë do të fitoj një deputet minimum por lista e dytë që është e fiksuar në Bujanofc e ka ende më të vështirë që të fitoj një mandat dhe të gjitha këtë komponentë e rrezikojnë numrin më të madh në parlament”, ka shtuar më tej Arifi për Tëvë1.
