Politologu, Dritëro Arifi, vlerësoi që kryeministri, Albin Kurti, që sonte duhet ta përgatisë një plan, në mënyrë që nesër urgjentisht t’ia paraqesë perëndimorëve, Amerikës e BE-së.
Mirëpo, Arifi tha se për realizimin e këtij plani, Kurti sonte duhet t’i ftojë në takim kryeministrin e Shqipërisë, Edi Rama, opozitën e Kosovës dhe të gjithë shqiptarët që kanë peshë në Maqedoni.
“Kurti sonte duhet t’i thërrasë të gjithë akterët kryesorë e me gjetur një zgjidhje. Madje, ne edhe Kurtin duhet ta nxjerrim me fytyrë të bardhë. Duhet të gjendet sonte një gjuhë për të biseduar me njerëz, që nesër t’ia paraqesin një plan perëndimorëve e Amerikës dhe BE-së.Nëse është serioz Kurti në veprime, e ka seriozisht të udhëheqë edhe dy vite. Atëherë, besoj që qysh sonte, ai duhet t’i ftojë në takim Edi Ramën,të gjithë shqiptarët që kanë peshë në Maqedoni, opozitën në Kosovë, sepse është gjendje e jashtëzakonshme”, deklaroi Arifi në emisionin “Këndi i Debatit”.
Njëherit, Arifi tha se nuk është në pyetje Kurti personalisht, por shteti i Kosovës.
“Ne ende nuk po e kuptojmë ku jemi duke shkuar. Duhet t’i ndihmojmë Kurtit”, theksoi tutje Arifi në Tëvë1./teve1.info/.
