Sipas Arifit, në qoftë se Serbia nuk do e njoh Kosovën edhe në variantin franko-gjerman, ajo përsëri do ketë shuma të mëdha ekonomike.
“Që nga shpallja e pavarësisë, Kosovën më së shumti në Arenën Ndërkombëtare e ka penguar Bashkimi Evropian, jo Serbia. Sepse një vend i izoluar nuk mund të zhvillohet. Nuk ka më korrigjim të kufijve, ka copëtim të Kosovës. Nëse Serbia nuk e njeh Kosovën edhe në variantin franko-gjerman, atëherë Serbia prapë do dal fituese, sepse fiton shuma marramendëse ekonomike”, tha Arifi në emisionin “Këndi i Debatit”.
Tutje, ai tha se për t’u qartësuar e tërë situata, Bashkimi Evropian fillimisht duhet ta njohë Kosovën.
“Ata duhet t’i shohin rrethanat se çfarë mund të ndryshojnë në terren, pra për ta qartësuar të gjithë situatën, fillimisht BE-ja duhet ta njoh Kosovën. Sepse, përndryshe Serbia në çdo variant do dal fituese, edhe në qoftë se e njeh Kosovën si shtet, prapë do dalë fituese. Prandaj, Kosova nuk është serioze, mirëpo as BE-ja nuk është”, tha Arifi në Tëvë1.
Gjithashtu, Kurti dje ka deklaruar se ka një iniciativë franko-gjermane, e cila dëshiron t’i jap më shumë fuqi Përfaqësuesit special të BE-së për Ballkanin Perëndimor, Miroslav Lajçak-ut, por sipas tij, nuk ka diçka përfundimtare, e aq më pak vendimtare që do të mund të thuhet se ky është propozimi franko-gjerman lidhur me dialogun Kosovë-Serbi.
