Ai thotë se Norvegjia dhe Zvicra nuk janë anëtare të BE-së, por jetojnë shumë më mirë sesa e gjithë Evropa Juglindore të cilët janë anëtarë të BE-së.
“Nuk është me rëndësi a bëhesh sot anëtarë, qëllimi është a e rregullojmë ne mirëqenien tonë brenda këtu. Norvegjia nuk është anëtare e BE-së, as Zvicra por jetojnë shumë më mirë sesa krejt evropa juglindore që janë në BE”, ka deklaruar Arifi në emisionin “Këndi i Debatit” në Tëvë1.
Profesori tha se nëse Kosova dëshiron të bëhet anëtare e BE-së, duhet ta ketë stabilitet ekonomik, politik e juridik.
Sipas tij nuk është i thjesht integrimi në BE, është proces shumë i gjatë.
“Pra kjo nuk do të thotë apriori që kena me u bë të pasur e kemi me pasur mirëqenie. Mirëqenia vjen nga reforma që i bën. Nëse ne dëshirojmë të jemi anëtarë të BE-së, ne derisa të hyjmë në këtë organizatë duhet ta kemi një mirëqenie një stabilitet ekonomik, politik, juridik. Nuk është i thjesht integrimi në BE, është proces shumë i gjatë”, ka thënë Arifi. /teve1.info/
