Pas humbjes befasuese nga Cremonese në start të sezonit të ri, si dhe mungesës së Rafael Leaos për ndeshjen e dytë rresht, trajneri i Milanit do të bëjë ndryshime në formacion kundër Lecces.
Milani, të premten prej orës 20:45 luan në udhëtim te Lecce, ndeshje kjo që i takon xhiros së dytë në Serie A të Italisë.
E në këtë përballje, trajneri Allegri prej minutës së parë pritet ti besojë Ardon Jasharit, kanë njoftuar mediumet italiane.
Bëhet e ditur se mesfushori shqiptar do të jetë partner me Yousoouf Fofanan në mesfushë do të ketë rol jo vetëm ta ndihmoj mbrojtjen por edhe sulmin.
Jashari në këtë afat kalimtar iu bashkua Milanit nga Brugge për 38 milionë euro dhe në ndeshjen e parë të këtij sezoni, të cilën Milani e humbi 2:1 nuk ishte startues.
Ai u inkuadrua ndaj Cremoneses në minutën e 74-të, duke e zëvendësuar kroatin Luka Modriq.
