Torino raportohet se ka arritur marrëveshje për të transferuar dy lojtarë të Empolit pas rënies së tyre nga kategoria, duke marrë Ardian Ismajlin falas dhe Tino Anjorin.
Sipas Sky Sport Italia, një marrëveshje është arritur me klubin dhe me mesfushorin ofensiv Tino Anjorin për të finalizuar transferimin.
23-vjeçari, ish-lojtar i Anglisë U-20, ishte lidhur me disa skuadra që pas rënies së Empolit, përfshirë Fiorentinën, Bolognën dhe Romën.
Megjithatë, ai duket se është drejt kalimit te Torino, ku shihet si zëvendësuesi i Samuele Riccit, i cili është në prag kalimi te Milan.
Empoli do të duhet t’i japë 50 për qind të shumës së transferimit klubit të mëparshëm, Chelsea, si pjesë e marrëveshjes së nënshkruar kur Anjorin iu bashkua falas në vitin 2024.
Ndërkohë, Torino ka arritur më parë marrëveshje personale me Ardian Ismajlin, i cili është një lojtar i lirë pas përfundimit të kontratës me Empolin.
Ata po e mbanin Ismajlin në pritje, në funksion të largimit të Saul Coco, por ky i fundit duket se ka hasur në vështirësi për të arritur marrëveshje me Al-Duhail, gjë që ka bllokuar përkohësisht transferimin e tij.
