Pak ditë më parë Arbana Osmani prezantoi se i ftuari i radhës në emisionin e saj ishte Fero dhe aq u desh që njerëzit të vërshonin në kritika.
Duke qenë se ishin dhe të pashmangshme, Arbana reagoi duke treguar se i ka lexuar të gjitha dhe shkroi nja dy fjalë në Instagramin e saj:
“I kam lexuar të gjitha reagimet në rrjet në lidhje me pjesëmarrjen e Feros te ‘Mirëmbrëma yje’. E respektoj mendimin e secilit prej jush dhe e marr si shenjë vlerësimi ndaj meje gjithë këtë tymnajë. Por besoj është e udhës që, përpara se gjithkush të dalë në përfundime të nxituara, të dëgjojë dhe të kuptojë arsyen kryesore pas kësaj ftese.”
Kështu, të gjithë atyre që komentuan se Arbana po i jep hapësirë një dhunuesi për të shfajësuar veten, moderatorja sapo u tha të mos flasin para kohe.
Gjithashtu, në videon e postuar në story, që është një pjesëz nga intervista, dëgjohet Arbana që pyet Feron për ato që ka thënë (ndaj ish-bashkëshortes), duke i kërkuar të mos e justifikojë veten.
