Por, vendtakimi i tifo-grupit “Shqiponjat e Zeza” të klubit futbollistik Drenica, këtë herë nuk ishte stadiumi.
Këta të dielën u bën bashkë në Prekazin e Skenderajt.
Krejt kjo, për ta kundërshtuar vizitën që disa studentë serbë në kuadër të Shkollës Verore e Universitetit të Prishtinës, e synonin tek Kullat e Jasharëve.
E në mbështetje të tyre, dolën edhe nga organizata e veteranëve të luftës në Skenderaj.
Por këta, kanë një kusht që t’i lejojnë studentët serbë, për ta vizituar Prekazin.
Këta janë student, prindërit e tyre kanë kryer krime. Nëse Serbia kërkon falje për këto masakra, atëherë mund ta vizitojnë Prekazin.
Këtu nuk munguan as ata që dikur ia kthyen pushkën ushtrisë serbe në Prekaz.
Ndërkohë gjatë gjithë kohës, dikush po bënte rojë nëse mysafirët e padëshiruar për ta, do të vinin.
E pas disa orëve, lajmëruan qe një autobus me studentë të huaj, iu afrua hyrjes së Prekazit.
Kjo gjë, alarmoi protestuesit.
Këta për të liruar rrugën që të dërgon të kullat e Jasharëvë, me doemos kërkonin të identifikonin një nga një studentët e huaj.
Për këtë bashkë më policët në autobus hyri edhe njëri nga protestuesit.
Kur procesi i identifikimit përfundoi, u lajmëruar edhe pjesa tjetër e protestuesve.
Kjo gjë nuk iu pëlqeu.
Njëjtë protestuesit nuk u pajtuan as me propozimin nga organet e rendit.
Pas këtyre dyshimeve, pavarësisht që ky nuk ishte autobusi për të cilën dolën nga mëngjesi në rrugë, nuk e lejuan të vizitonte Prekazin.
Studentët serbë bashkë me të tjerët, kishin anuluar vizitën në Prekaz, ndërsa të dielën vizituan vetëm Radavcin dhe Pejën.
Ndërsa në fund krejt këtë, “Shqiponjat e Zeza” e shënuan duke bërë homazhe tek varrezat e Jasharëve të vrarë në marsin e 98-tës.
Kronika e realizuar nga Fidan Zejnullahu
