Punëtorët teknikë, ata të sigurimit fizik të disa shkollave, qendrave të mjekësisë familjare në Prishtinë dhe punëtorët e sigurimit fizik të QKUK-së kishin planifikuar të mbajnë grevë më 3 shtator, për shkak të pakënaqësive me paga.
E kryetari i Sindikatës së Sektorit Privat të Kosovës, Jusuf Azemi, ka njoftuar se komuna e Prishtinës, ka plotësuar kërkesat e sindikatës për rritje të pagës dhe se greva e paralajmëruar është anuluar, raporton teve1.info
Sipas Azemit, punëtorët teknik të shkollave të mesme, rritjen nga 400 euro do ta kenë nga 30 shtatori, ata të shkollave fillore, nga 10 shtatori, ndërsa punëtorët e Qendrave Mjekësore Familjare, nga 16 shtatori.
Po ashtu, ai, ka njoftuar se në takim është vendosur që të paditen kompanitë të cilat nuk e kanë paguar përvojën e punës.
