Përfaqësuesja e Anglisë do të luaj pa emra në pjesën e pasme të fanellave në pjesën e dytë të miqësores ndaj Belgjikës, për të rritur ndërgjegjësimin për simptomat e sëmundjes së Alzheimerit. Kjo u bë e ditur të hënën nga përfaqësuesja angleze e futbollit.
Emrat do të “zhduken” nga fanellat e lojtarëve, kur ata të kthehen në fushës pas pjesës së parë. Kjo bëhet për të demonstruar se si njerëzit me demencë mund të humbin kujtimet e vlefshme.
Iniciativa është pjesë partneritetit të Federatës angleze me “Shoqërinë e Alzheimerit”
“Ne shpresojmë që jo vetëm të inkurajojmë tifozët të bëjnë donacione për hulumtimin për diagnostikim të hershëm, por gjithashtu që ata të mbështesin të dashurit e tyre sa edhe ekipet e futbollit”, ka thënë Kate Lee nga Shoqëria e Alzheimerit.
Ndeshja Angli – Belgjikë zhvillohet të martën prej orës 20:45.
