Anëtari i Aleancës për Ardhmërinë e Kosovës, Labinot Gjini ka thënë Albin Kurti nuk do të mund ta formojë Qeverinë.
Sipas tij, Qeveria e re do të formohet nga partitë opozitare.
Gjini në emisionin “Ditari” në Tëvë1, ka thënë se Kurti do të vazhdojë lojën me nënkryetarin e Kuvendit nga minoriteti serb, siç ka thënë ai duke bërë lojëra patriotike.
“Tani Kurti do të vazhdojë lojën me nënkryetarët duke e luajtur lojën e patriotizmit dhe do të shihni, rezultati në fund do të jetë edhe më i keq se në fillim, por kjo nuk ka rëndësi për z.Kurti. Më rendësi për të është që të luaj me ndjenjat, me fjalët, që të luaj me opozitën dhe në fund do ta shihni që nuk do të mund ta bëjë Qeverinë, por do ta bëjë opozita”, ka thënë ai.
E për ta bërë opozita Qeverinë, ai i ka bërë thirrje Fatmir Limajt t’i bashkohet grupit të partive opozitare, ku veprimet e tyre i ka vlerësuar si të ngutshme.
“Ishte një ngutje e tij dhe tash besoj se ai e ka të qartë se s’do të bëhet kurrë kryetar i Kuvendit. I bëjë thirrje që të kthehet në grupin e partive opozitare dhe ta formojmë Qeverinë”, është shprehur Gjini.
Duke folur për dorëheqjen e ministrit të Infrastrukturës Liburn Aliu, i cili tha se këtë vendim e mori pas zgjedhjes së Dimal Bashës kryeparlamentar, Gjini ka thënë se do të ketë edhe largime të tjera.
