Google ka njoftuar se sjell një sërë funksionesh të reja për qasje në pajisjet Android. Ky përditësim synon të ndihmojë përdoruesit me vështirësi të shikimit, dëgjimit ose lëvizjes. Përmes funksioneve të reja, përdoruesit mund të përfitojnë diktim i avancuar me zë dhe mundësi për të redaktuar tekst vetëm me komandë zanore. Mbështetje të zgjeruar dhe lloje të ndryshme klikimesh.
“Tituj ekspresivë” që jo vetëm shfaqin tekstin e të folurit, por edhe emocionet e bisedës në video ose transmetime live. Guided Frame, një mjet që ndihmon personat me shikim të dobët të kapin foto të sakta, duke i treguar kur një fytyrë është në kadrin e duhur. Lidhje më e lehtë me aparate dëgjimi që përdorin Bluetooth LE Audio, duke përmirësuar përvojën për përdoruesit me vështirësi dëgjimi.
Dark mode më i avancuar, që funksionon automatikisht në shumicën e aplikacioneve, edhe nëse ato nuk e kanë të integruar këtë opsion. Google ka bërë të ditur se shumica e këtyre funksioneve janë tashmë të disponueshme, ndërsa disa të tjera, si përditësimi i TalkBack, do të shpërndahen gradualisht në pajisje. Ky është një hap i madh drejt përmirësimit të përvojës digjitale për të gjithë përdoruesit, duke i bërë pajisjet Android më të qasshme dhe miqësore për të gjithë.
Samsung ka konfirmuar se seria e re Galaxy S26 do të sjellë një përvojë tërësisht të re për përdoruesit, me inteligjencë artificiale të avancuar dhe çipa të personalizuar. Gjatë raportit financiar për tremujorin e tretë, kompania njoftoi se pajisjet e reja do të përfshijnë procesorë të gjeneratës së dytë, performancë më të lartë dhe sensorë të rinj kamerash. Zëvendëspresidenti i divizionit Mobile Experience, Daniel Araujo, tha se synimi është të “revolucionarizohet përvoja e përdoruesit” me teknologji të reja AI dhe çipa të fuqishëm. Sipas raportimeve, Exynos 2600, çipi i parë i prodhuar me teknologjinë 2nm, pritet të jetë pjesë e shumicës së modeleve S26, ndërsa në disa tregje si SHBA, Kina dhe Japonia do të përdoret Snapdragon 8 Elite Gen 6.
