Liverpooli do të jetë mysafir i Villarrealit për ndeshjen e dytë gjysmëfinale në Ligën e Kampionëve.
Përballja e parë në Angli përfundoi 2-0 në të mirë të The Reds, ndërsa sonte do të përcaktohet finalisti i parë nga ora 21:00 në ‘Estadio de la Ceramica’.
Për këtë ndeshje, Villarreali do të jetë pa Alberto Morenon, ndërsa në dyshime janë Gerard Moreno, Francis Coquelin dhe Yeremi Pino.
Në anën tjetër, Jurgen Klopp ka dyshime te Curtis Jones dhe Roberto Frimino.
Analizë
Villarreal
Unai Emery ka konfirmuar se Gerard Moreno do të rikthehet nga lëndimi për t’u përballur me Liverpoolin të martën mbrëma në një përforcim masiv.
Pas 2-0 nga ndeshja e parë, Unai Emery ka nevojë që skuadra e tij Villarreal të tregojë më shumë qëllim sulmues të martën, kështu që priten disa ndryshime.
Ish-mbrojtësi i Liverpoolit, Alberto Moreno, ka mbetur sërish jashtë fushës, ndërkohë që ka dyshime për Yeremi Pino dhe Francis Coquelin.
Paco Alcacer mezi është paraqitur për Villarrealin këtë sezon, por është një opsion në sulm nëse Moreno nuk arrin të rikuperohet në kohë.
Liverpool
Mo Salah, Thiago Alcantara, Trent Alexander-Arnold dhe Fabinho do të rikthehen në formacionin fillestar për t’u përballur me Villarrealin, pasi ishin në bankinë kundër Newcastles në fundjavë.
Jordan Henderson dhe Naby Keita janë në konkurrencë për të kompletuar mesfushën e Liverpoolit, ndërsa Ibrahima Konate do të shpresojë të rikthehet në vend të Joel Matip.
Statistika
Liverpool ka fituar nëntë nga 11 ndeshjet e fundit (Liga e Kampionëve).
Liverpool ka shënuar të paktën dy gola në 10 nga 11 ndeshjet e fundit (Liga e Kampionëve).
Ka pasur nën 2.5 gola të shënuar në tre ndeshjet e fundit të Villarrealit (Liga e Kampionëve).
Formacionet e mundshme
Villarreal: Rulli, Estupinan, Torres, Albiol, Foyth, Danjuma, Capoue, Chukwueze, Los Celso, Moreno.
Liverpool: Alisson, Robertson, Van Dijk, Konate, Alexander-Arnold, Henderson, Fabinho, Thiago, Diaz, Salah, Mane.
