Ambasadori i Kosovës në Francë, Mehdi Halimi i ka dorëzuar sot presidentit francez Emmanuel Macron letrat kredenciale të emërimit të tij nga presidentja e vendit, Vjosa Osmani.
Lajmi u bë i ditur nga Ambasada e Kosovës në Paris, përmes një postimi në Facebook.
“Në një ceremoni të organizuar nga Protokolli i Shtetit, në pallatin presidencial Élysée, Ambasadori Halimi i dorëzoi Presidentit Macron Letrat Kredenciale të emërimit të tij nga Presidentja e Kosovës, Zonja Vjosa Osmani”, thuhet në njoftim. /Teve1.info/
