Ambasadori i Bashkimit Evropian në Kosovë, Tomas Szunyog, e ka dënuar dëmtimin e veturave të ekipeve të mediave të cilat po raportojnë prej veriut të vendit.
Szunyog në Twitter ka thënë se edhe pse situata e sigurisë në veri është e tensionuar dhe e vështirë, gazetarët duhet të lejohen të kryejnë punën e tyre pa frikë për sigurinë e tyre
“Bashkimi Evropian dënon dëmtimin e sotëm të makinave që i përkasin KallxoLive dhe RTV Dukagjini. Edhe pse situata e sigurisë në veri është e tensionuar dhe e vështirë, gazetarët duhet të lejohen të kryejnë punën e tyre pa frikë për sigurinë e tyre”, ka shkruar ai.
Kurse gjatë ditës në Zubin Potok është djegur edhe vetura e televizionit Tëvë1.
Për këtë ngjarje ka reaguar edhe Asociacioni i Gazetarëve të Kosovës.
AGK-ja ka theksuar se kjo është sjellje e patolerueshme, teksa i ka bërë thirrje edhe NATO-s dhe EULEX-it që të reagojnë sa më pare në mënyrë që gazetarët të raportojnë pa u rrezikuar./teve1.info./
The EU condemns today’s damaging of cars belonging to @KallxoLive and RTV Dukagjini. Although the security situation in the north is tense and difficult, journalists must be allowed to conduct their work without fear for their safety.
— Ambassador Tomáš Szunyog (@EUAmbKS) May 29, 2023
