Postimi i cili ishte bërë mbrëmjen e së mërkurës ka marrë një “Like” nga Ambasada e SHBA-së në Twitter, mirëpo i njëjti pëlqim është hequr pas disa reagimeve në rrjete sociale.
“Vuçiq rendit nëntë shtetet që tërhoqën njohjen e Kosovës së vetëshpallur”, është titulli i lajmit të shpërndarë nga “Vaseljenska TV” të cilin e ka pëlqyer Ambasada amerikane në Prishtinë.
Reagim për këtë pati deputeti i Lëvizjes Vetëvendosje, Armend Muja, i cili në hapësirën e komenteve ia ka kujtuar Ambasadës se çfarë thotë postimi të cilin ata e kanë pëlqyer.
Pas reagimeve, Ambasada amerikane mëngjesin e së enjtes e ka hequr pëlqimin në postim.
Vuçiq në një konferencë për media ka thënë se nëntë shtete – Somalia, Burkina Faso, Gaboni, Eswatini, Libia, Guinea, Barbuda, Saint Lucia, Maldivet – e kanë tërhequr njohjen e Kosovës, duke shtuar se po presin edhe të dhjetin.
