Shtetet e Bashkuara të Amerikës, më 4 korrik e festuan Pavarësinë.
Me rastin e festimeve të 250-vjetorit të Pavarësisë së Shteteve të Bashkuara të Amerikës, Biblioteka Kombëtare e Kosovës “Pjetër Bogdani” në Prishtinë u ndriçua me ngjyrat e kuqe, bardhë e kaltër të flamurit amerikan.
Pamjet i ka shpërndarë sot, ambasada amerikanë në Prishtinë.
Ambasada e SHBA-së e cilësoi këtë si një simbol të bukur të miqësisë së qëndrueshme mes Kosovës dhe Shteteve të Bashkuara, si dhe të përkushtimit të përbashkët ndaj lirisë dhe demokracisë.
Ndriçimi i kupolave ikonike të Bibliotekës Kombëtare ishte pjesë e aktiviteteve për shënimin e 250-vjetorit të pavarësisë amerikane, duke theksuar edhe një herë lidhjet e forta ndërmjet dy vendeve.
