Ambasada e Shteteve të Bashkuara të Amerikës ka mirëpritur formimin e Kuvendit dhe Qeverisë së re të Kosovës.
Në një deklaratë zyrtare, Ambasada amerikane ka shprehur gatishmërinë për bashkëpunim me ekzekutivin e ri, duke theksuar përkushtimin për avancimin e prioriteteve të përbashkëta mes dy vendeve.
“Presim me padurim të bashkëpunojmë me qeverinë e re për të avancuar prioritetet e përbashkëta, përfshirë paqen rajonale, stabilitetin dhe prosperitetin ekonomik të ndërsjellë”, thuhet në reagim.
Shtetet e Bashkuara mbeten një nga partnerët kryesorë strategjikë të Kosovës, duke mbështetur vazhdimisht zhvillimin demokratik dhe forcimin e stabilitetit në rajon.
