Ambasada Amerikanë ka përkujtuar hapjen e Zyrës së tyre të parë të Shërbimit Informativ të SHBA-së në Kosovë më 5 qershor 1996.
Në njoftim thuhet se kjo zyre midis viteve 1999 dhe 2008 ka shërbyer si misioni kryesor diplomatik i Shteteve të Bashkuara në Kosovë.
Ndryshe, në ceremoninë hapëse të kësaj zyre kishte marrë pjesë presidenti tashmë i ndjerë Ibrahim Rugova dhe udhëheqës të partive politike në Kosovë.
Për të marrë pjesë në këtë ceremoni nga Amerika kishin ardhur edhe ndihmës sekretari amerikan i shtetit John Kornblum dhe diplomatë të tjerë amerikan të akredituar në Beograd.
Ndërkaq, para zyrës qe po hapej ishin grumbulluar edhe disa qindra qytetarë, të cilët zbulimin e pllakës së Zyrës amerikane e përshëndetën me duartrokitje dhe brohoritje.
