Shkruan:Amir Krasniqi
Sot mbushen 36 vjet nga demonstratat më rezistuese për çlirim dhe bashkim Kombëtar!
Pikërisht para 36 vjetësh veprimtari militant i çështjes kombëtare, Ismet Krasniqi ra dëshmor tek Xhamia e Llapit në Prishtinë, në demonstratat më të përgjakshme por të vlerësuara edhe më rezistueset përballë aparatit shtetëror policoro-ushtarak të Serbisë okupatore.
Ismeti një kryengritës militant për bashkimin kombëtar, që nga mosha e re 19 veçare do të ndiqet e përndiqet nga UDB-a, për t’u arrestuar dhe dënuar me burg edhe sa ishte në “APJ”, ku maltretohet në format më brutale.
Po ashtu përcjellja nga UDB-a dhe sistemi okupues vazhdoi kudo që gjendej dhe vepronte, edhe me arrestim dhe burgosje, si dhe me suspendimin nga puna, për të vazhduar me përndjekje deri në rënien e tij për çlirim dhe bashkim kombëtar.
Ismet S. Krasniqi lindi më 16 nëntor 1959 në Grashticë të Prishtinës dhe bie dëshmor më 27 mars 1989.
Në vitin e kaluar Komuna e Prishtinës, në konsultim dhe bashkëpunim me Shoqatën e Familjeve të Dëshmorëve të UÇK-së, dega Prishtinë, si dhe me familjen, është inauguruar monumenti/lapidari në vendin e rënies së dëshmorit Ismet Krasniqi.
Do potencuar se në Prishtinë dhe vende tjera në Kosovë, më 27 dhe 28 mars 1989 ranë dëshmorë rreth 30 të rinj shqiptarë dhe janë plagosur afro 200 të tjerë, ndërsa vetëm në lagjen ish-Vranjevci, tani Kodra e Trimave në Prishtinë, ranë Ismet Krasniqi, Sevdat Xhafolli, Shukrije Obërtinca, Vetim Shala dhe Mustafë Veselaj.
Rezistenca shqiptare në Kosovë kundër okupatorit serb vazhdoi dhe kulmoi deri në luftën çlirimtare të UÇK së kryekomandantit legjendar Adem Jashari.
Lavdi të gjithë dëshmorëve të kombit, gjaku i të cilëve duhet të na bashkojë, në mënyrë që ta gjejmë rrugën më të denjë për ribashkimin kombëtar në Shqipëri Etnike.
Amaneti i dëshmorëve mbetet deri në sendërtimin në vepër për bashkim kombëtar.
Opinioni përmban pikëpamjet e autorit dhe nuk prezanton qëndrimet editoriale të teve1.info
