Kosova, Shqipëria dhe Kroacia janë dakorduar për një aleancë të përbashkët ushtarake.
Zv.ministri i Mbrojtjes, Shemsi Syla ka thënë se kjo marrëveshje ka për qëllim ngritjen e kapaciteteve ushtarake duke pasur parasysh që të Shqipëria dhe Kroacia janë pjesë e NATO-s dhe ky është edhe synimi i Kosovës.
Tutje, ai tha se ndikim në këtë bashkëpunim kanë edhe zhvillimet e përgjithshme globale dhe rajonale.
“Gjithsesi ndikim kanë edhe zhvillimet e përgjithshme që po ndodhin globale edhe ato rajonale, por mbi të gjitha ajo afërsia dhe qëllimi strategjik i veprimit të mëtutjeshëm të ngritjes së kapaciteteve tona duke pasur parasysh që të dyja shtete janë në NATO dhe kanë kalu fazat për me hyrë në NATO. Ne pra, synimi kryesorë i yni është që të të përgatitëm me kapacitetet tona të zhvillimit të gjithanshëm për të qenë nesër të gatshëm që të jemi pjesë e NATO-s”, ka deklaruar ai në emisionin “Info Nata” në Tëvë1.
Ndryshe, ministria e Punëve të Jashtme e Serbisë në një reagim e ka konsideruar “provokim” marrëveshjen për aleancën ushtarake të nënshkruar nga ministrat e Mbrojtjes të Kosovës, Shqipërisë dhe Kroacisë.
Në reagim, Serbia ka thënë se do t’u dërgojë kërkesë urgjente ministrive të Jashtme të Kroacisë dhe Shqipërisë, duke kërkuar shpjegim të detajuar lidhur me nënshkrimin e memorandumit trepalësh për bashkëpunim në fushën e mbrojtjes.
Serbia e konsideron “provokim” aleancën ushtarake mes Kosovës, Shqipërisë dhe Kroacisë
