Denoncime për vendosjen e mjeteve shpërthyese në emailet zyrtare të disa institucioneve arsimore në Shkup dhe qytete të tjera të vendit janë pranuar sot në mëngjes.
Sipas MPB-së, mëngjesin e sotëm ka pasur kërcënim me bombë në disa shkolla në Shkup, Koçan, si dhe në dy shkolla në Shtip.
Në disa shkolla, pas inspektimeve nga MPB, mësimi ka rifilluar.
MPB njofton se gjatë ditës do të ketë më shumë informacione për këto raste.
“Të paktën gjashtë shkolla në të gjithë kryeqytetin janë evakuuar mëngjesin e sotëm për shkak të njoftimeve anonime për mjete shpërthyese, mes tyre edhe shkolla fillore Aleksandri i Tretë Maqedonas. Së paku një shkollë në lagjen Zhelezara është evakuuar për shkak të kërcënimit me bombë. Paralajmërime për bombë ka pasur edhe në shkollën Petar Z. Penko në Butel.
Në vitin 2022, pati shumë raportime anonime për bomba nëpër shkollat e Maqedonisë. Më pas Ministria për Punë të Brendshme ndryshoi protokollet për trajtimin e paralajmërimeve me bombë, që do të thotë se mësimi mund të rifillonte pasi të konstatohej se paralajmërimet ishin të rreme”.
