Sipas një komunikate të lëshuar nga Prokuroria, i pandehuri E.R., ngarkohet për veprat penale “Shërbimet seksuale të viktimës së trafikimit” dhe “Trafikimi me njerëz”, ndërsa i pandehuri Sh.K., ngarkohet për veprën penale “Shërbimet seksuale të viktimës së trafikimit”.
“Po ashtu, njëri prej të miturve ngarkohet për veprat penale “Dhunimi”, nga neni 227 paragrafi 8 lidhur me paragrafin 7 dhe paragrafin 4 të KPRK-së, “Trafikimi me njerëz”, nga neni 165 paragrafi 2 lidhur me paragrafin 1 të KPRK-së dhe “Keqpërdorimi i fëmijëve në pornografi”, nga neni 232 par. 1 të KPRK-së.
Ndërkaq, dy të miturit e tjerë ngarkohen për veprat penale “Dhunimi”, nga neni 227 paragrafi 8 lidhur me paragrafin 7 dhe paragrafin 4 të KPRK-së, si dhe për veprën penale “Keqpërdorimi i fëmijëve në pornografi”, nga neni 232 paragrafi 1 lidhur me paragrafin 2 të KPRK-së”, thuhet në njoftimin e Prokurorisë.
Përveç kësaj, ndaj rastit tjetër penal i cili i takon muajit qershor të këtij viti, Prokuroria njofton se është në proces të zhvillimit të hetimeve.
E mitura 11-vjeçare ishte raportuar verën e këtij viti se ka dalë nga shtëpia dhe nuk është kthyer më.
Ndërkohë, pas hetimeve të Policisë, ishte gjetur e mitura dhe kishte raportuar se është dhunuar nga disa persona.
