Prokuroria Themelore në Pejë ka ngritur aktakuzë ndaj një personi me inicialet K.M., nën dyshimin për veprën penale “vrasje e rëndë e mbetur në tentativë”.
Sipas njoftimit, rasti ka ndodhur më 5 shkurt 2026, rreth orës 17:59, në fshatin Isniq të Deçan, ku i pandehuri dyshohet se ka tentuar ta vrasë babain e tij pas një mosmarrëveshjeje verbale.
Prokuroria bën të ditur se i dyshuari, duke vepruar në gjendje të aftësisë esencialisht të zvogëluar, e ka goditur viktimën me sëpatë në dorë dhe në kokë, duke i shkaktuar lëndime trupore.
Sipas aktakuzës, me këto veprime ekziston dyshim i bazuar mirë se i pandehuri ka konsumuar elementet e veprës penale për të cilën ngarkohet.
