Prokuroria Speciale e Kosovës ka ngritur aktakuzë ndaj tre personave me inicialet: L.D., K.H. dhe O.H. për sulm ndaj gazetarit, Valon Syla, raporton teve1.info
Sipas një komunikate për medie të Prokurorisë, të akuzuarit, të motivuar me ideologji ekstreme radikale islame e kanë sulmuar fizikisht gazetarin Valon Syla.
Sipas komunikatës, me këtë akt, të Akuzuarit e kanë kryer veprën penale “Lëndim i lehtë trupor”, sipas Kodit Penal të Republikës së Kosovës.
“Prokuroria Speciale e Republikës së Kosovës (PSRK), ka ngritur sot aktakuzë në Gjykatën Themelore në Prishtinë – Departamentin Special, kundër tre të pandehurve me inicialet L.D, K.H dhe O.H. pasi që ekziston dyshimi i bazuar mirë se të njëjtit, të motivuar me ideologji ekstreme radikale Islame përkatësisht të besimit fetarë, e kanë sulmuar fizikisht dhe i kanë shkaktuar lëndime të lehta trupore të dëmtuarit, gazetarit, Valon Syla.
Me këto veprime të pandehurit L.D, K.H dhe O.H. në bashkëkryerje e kanë kryer veprën penale “Lëndimi i lehtë trupor” nga neni 185 paragrafi 3 nën paragrafi 3.1 lidhur me paragrafin 1 dhe nenin 31 të KPRK-së”, thuhet në komunikatë.
