Një aksident i rëndë automobilistik ka ndodhur mbrëmjen e sotme në aksin Lezhë-Shëngjin, ku dy automjete janë përplasur kokë më kokë.
Si pasojë, tre persona kanë mbetur të plagosur, dy prej të cilëve ndodhen në gjendje kritike.
Sipas informacioneve të para, dyshohet se një automjet tip Mitsubishi ka tentuar të dalë në rrugë, dhe për shkak të një parakalimi të gabuar nga një Volkswagen Golf, ka ndodhur përplasja e fuqishme mes dy mjeteve.
Menjëherë pas ngjarjes, në vendngjarje kanë mbërritur forcat e policisë dhe grupi hetimor, të cilët po hetojnë për të zbardhur rrethanat dhe për të përcaktuar përgjegjësinë e drejtuesve të mjeteve.
Të plagosurit janë dërguar në spitalin rajonal të Lezhës, ku po marrin ndihmën e nevojshme mjekësore. Dy prej tyre janë në gjendje të rëndë./A2CNN
