Shtatë persona kanë pësuar lëndime në një aksident komunikacioni që ka ndodhur në fshatin Dollc të Klinës.
Në këtë aksident sipas Policisë së Kosovës janë përfshirë dy vetura, njëra nga të cilat ka rënë poshtë urës.
Zëdhënësi i Policisë së Kosovës për rajonin e Pejës ka njoftuar për teve1.info se të lënduarit janë jashtë rrezikut për jetë.
“Rreth orës 17:20 policia është njoftuar për një aksident në Dollc ku kanë qenë të përfshira dy vetura. Njëra prej tyre kur janë aksidentuar ka renë poshtë urës. Shtatë persona kanë marrë lëndime dhe janë dërguar në Emergjencën e Spitalit Rajonal të Pejës dhe janë jashtë rrezikut për jetë. Hetuesit e aksidenteve kane dalë në vendin e ngjarjes për të hetuar shkaqet e aksidentit”, njoftoi Gashi.
