Një 42-vjeçar nga Suhareka ka mbetur i vdekur si pasojë e një aksidenti të ndodhur në Carralevë të Shtimes.
Rastin për Tëvë1 e ka konfirmuar Shaqir Bytyqi, zëdhënës i policisë për rajonin e Prizrenit, i cili tha se në aksident janë të përfshirë një veturë dhe një autobus.
“Me datë 12.02.2025, reth orës 18:25 nga policia në Ferizaj, policia e Rajonit të Prizrenit është njoftuar për një aksident Trafiku në Carralevë. Aksidenti ka ndodhur në mes një veture dhe autobusi. Menjëherë janë thirr të gjitha ekipet e nevojshme për të dal në vend ngjarje, rreth orës 19:00 nga Patrulla policore e trafikur Rajonal-Prizren është marr informatë se aksidenti është me fatalitet dhe se në vend ngjarje ka mbetur i vdekur J. G., shoferi i veturës,mashkull i moshës rreth 42 vjeç nga Suhareka. Në vend ngjarje janë të gjitha ekipet përgjegjëse si dhe eprore te Stacionit Policor Suharekë dhe të Trafikut Rajonal-Prizren”, ka deklaruar ai.
Tutje, ai tha se për momentin rruga Suharekë-Carralevë është e bllokuar.
