Ministrja në detyrë e Arsimit, Arbërie Nagavci ka njoftuar se është akredituar programi Master në Energjetikë në Fakultetin e Inxhinierisë Elektrike dhe Kompjuterike dhe është riakredituar programi Bachelor në Energjetikë.
Ajo ka thënë se ky është një lajm i mirë për Universitetin e Prishtinës dhe sektorin e energjisë në Kosovë.
“Pas nëntë vitesh pritjeje, është akredituar programi Master në Energjetikë (MSc) në Fakultetin e Inxhinierisë Elektrike dhe Kompjuterike (FIEK), në Universitetin e Prishtinës – një hap madhor drejt përgatitjes së kuadrove profesionale në njërën nga fushat më kritike për zhvillimin e vendit tonë! Përgëzoj menaxhmentin e FIEK-ut dhe stafin akademik për këtë arritje të rëndësishme, e cila do të ndikojë drejtpërdrejt në përgatitjen e inxhinierëve të rinj për nevojat gjithnjë në rritje të këtij sektori jetik. Është rikredituar edhe programi Bachelor në Energjetikë (BSc) në FIEK, duke dëshmuar përkushtimin e këtij institucioni për cilësi dhe zhvillim të qëndrueshëm akademik. Me këto vendime, numri i përgjithshëm i studentëve në FIEK arrin në 652”, ka shkruar Nagavci.
