Jurgen Klopp ishte lidhur me një post menaxheri te Roma, me Claudio Ranierin që ishte gati të tërhiqej nga futbolli.
Gjatë mbrëmjes së hënë dolën lajme se trajneri gjerman ka pranuar të marrë drejtimin e Romës nga sezoni e ri.
Megjithatë, agjenti i ish-trajnerit të Liverpoolit, Marc Kosicke, ka konfirmuar tani se këto thashetheme nuk janë të vërteta.
“Raportet se Klopp do të bëhet trajneri i ri i Romës nuk janë të vërteta”, ka thënë shkurtimisht Kosicke.
Klopp iu bashkua organizatës Red Bull si Drejtor i Global Soccer në fillim të këtij viti dhe thuhet se do të vazhdojë në këtë rol.
