Mesfushori Arijan Ademi nuk do të jetë pjesë e Dinamo Zagrebit për sezonin e ardhshëm, kanë raportuar mediumet kroate të hënën.
Bëhet e ditur se Ademi ka ndarë rrugët me Dinamon pasi palët tashmë kanë arritur marrëveshjen për një gjë të tillë.
Pas Dinamos, Ademi karrierën pritet ta vazhdoj në Hungari, te skuadra e Ujpestit me të cilën është në negociata.
Ademi vlerësohet lart te Dinamo, ekip ku ka bartur shiritin e kapitenit dhe është rekordmen sa i përket trofeve të fituar me fanellën e skuadrës nga Zagrebi.
Mesfushori 34-vjeçar ka kontratë me Dinamon edhe për sezonin e ardhshëm por ka kërkuar largimin dhe klubi ka mirëkuptuar kërkesën e tij.
Ai ka edhe 33 paraqitje dhe 4 gola shënuar me Maqedoninë e Veriut kurse tri ndeshje i ka të luajtura edhe për Kroacinë.
