Kryetari i Lidhjes Demokratike të Kosovës ka thënë se fokusi i tyre është përgatitja për raundin e dytë të zgjedhjeve ku LDK është në garë në 9 komuna.
Për këtë ai ka njoftuar se ka mbajtur takim me kandidatët e kësaj partie që janë në balotazh.
Abdixhiku ka thënë se çështjet tjera periferike e siç ka thënë ai e protagonizmave do të trajtohen pas 9 shkurtit e me meritë.
Çdo energji, çdo fokus, çdo aktivitet i LDK-së në këto ditë do të drejtohet vetëm për LDK-në. Do të drejtohet drejt garave tona; aty ku prijmë, aty ku garojmë, aty ku qytetarët tanë e presin fitoren e LDK-së. Dhe janë plot 9 komuna ku LDK sot garon; me 2 të fituara tashmë. Këtu mbetet puna jonë. Kështu projektohet LDK-ja jonë. Për veten, për kandidatët tanë e fitoret tona. Çështjet tjera periferike, ato të pas humbjeve e protagonizmave kohë-humbëse, do të trajtohen menjëherë pas 9 nëntorit; dhe atë qartë e drejtë. Tani le të fitojmë. Në Prishtinë, Pejë, Fushë Kosovë, Gjilan, Viti, Obiliq, Junik, Dragash, Suharekë”, ka shkruar Abdixhiku.
Kandidati i LDK për kryetar të Vushtrrisë, Xhafer Tahiri ka zyrtarizuar sot koalicion me kandidatin e LVV-së në Vushtrri për raundin e dytë.
Për këtë koalicion LDK ka reaguar duke thënë se është veprim individual i Tahirit.
Në balotazh në këtë komunë janë PDK dhe LVV.
