Kryetari i Lidhjes Demokratike të Kosovës, Lumi Abdixhiku, ka zhvilluar një takim me strukturat e LDK-së në Prizren, ku është pritur me mikpritje të ngrohtë nga anëtarët e partisë.
Pas takimit, ai ka ndarë përshtypjet e tij përmes një postimi, duke vlerësuar energjinë dhe gjallërinë e qytetit.
“Një takim me strukturat tona në Prizren, dhe një shetitje në këtë qytet të bukur që gjithmonë të jep energji e frymëzim,” ka shkruar Abdixhiku.
Ai ka falënderuar anëtarësinë e LDK-së në Prizren për mbështetjen dhe mobilizimin e tyre.
“Faleminderit të gjithëve që po e bëni LDK-në forcën e shpresës. Faleminderit për pritjet e ngrohta dhe për një ditë që na mbushi me gjallëri e besim. Le ta çojmë këtë mobilizim deri në festën e dhjetorit,” ka theksuar kryetari i LDK-së.
Abdixhiku ka vlerësuar Prizrenin si qytet me histori dhe kulturë të pasur.
“Sot pashë gjallërinë e një qyteti që flet kulturë e histori; një qyteti që e di rrugën e vet,” ka shkruar ai.
Në fund, ai është shprehur se ka parë edhe vendosmërinë e anëtarëve të partisë për angazhim politik.
“Por mbi të gjitha, sot pashë diçka të rëndësishme: gatishmërinë e njerëzve tanë për t’u ngritur, për t’u bashkuar dhe për t’i dhënë vendit qeverisjen e dinjitetshme që e meriton,” ka deklaruar Abdixhiku.
