Kryetari i Lidhjes Demokratike të Kosovës, Lumir Abdixhiku, ka pritur në takim raportuesen për Kosovë në Parlamentin Evropian, Viola von Cramon.
Përmes një njoftimi nga LDK, bëhet e ditur se në takim është diskutuar për temat aktuale politike në vend.
“Në këtë takim u diskutua rreth temave aktuale politike në vend si dhe qëndrimeve të LDK-së karshi këtyre ngjarjeve. Kryetari Abdixhiku shprehu mirënjohje për mbështetjen e vazhdueshme që Bashkimi Evropian i kanë dhënë Kosovës, në veçanti gjatë procesit të liberalizimit të vizave, si një hap i vonuar për popullin e Kosovës”, thuhet në njoftim.
Njëherit, Abdixhiku ka falënderuar Von Cramonin për avokimin e saj në procesin e liberalizimit gjatë gjithë kohës./teve1.info/.
