Kryetari i Lidhjes Demokratike të Kosovës, Lumir Abdixhiku ka reaguar pas publikimit të mesazheve ku disa anëtarë të LDK-së shprehin shqetësime dhe akuza për keqpërdorim të votave me postë, madje duke e quajtur edhe “skemë kriminale”.
Në reagimin e tij në Facebook, Abdixhiku ka thënë se janë sulme të sinkronizuara.
Ai ka thënë se në këto sulme janë bërë bashkë kundërshtarët e rinj dhe të vjetër të LDK-së
“Janë sulme që për target pështyme kanë, merreni me mend, partinë e vendit të tretë. Ne, sërish, për të satën herë nga vendi i tretë – siç na kujtojnë këta si të parëdësishëm – jemi fajtorët kryesorë për secilën gjë në këtë vend. Në këto sulme të paramenduara e në sinkron, janë bërë bashkë kundërshtarët e rinj e të vjetër të Lidhjes; dhe gjithë ata që ndjejnë se kanë humbur hapin me hapjen e madhe që në LDK ka ndodhë, po ndodhë dhe do të ndodhë. Nga njëra anë, nga njëra palë, na thuhet se jemi të kapur nga bizneset oligarke, prandaj s’kemi nga t’ia mbajmë. Ani pse ja që po ja mbajmë! Për veten dhe gjithë ata mbështetës tanë. Zëri i tyre është i vetmi që sot na drejton”, ka shkruar Abdixhiku ndër të tjera në Facebook.
