Kryetari i Lidhjes Demokratike të Kosovës (LDK), Lumir Abdixhiku, ka shprehur falënderimet e tij për qytetarët e Prishtinës, të cilët i dhanë besimin Përparim Ramës për një mandat tjetër katërvjeçar si kryetar i kryeqytetit.
Gjatë festës së organizuar nga LDK në sheshet e Prishtinës, Abdixhiku e konsideroi këtë fitore si një sukses jo vetëm të partisë, por të gjithë qytetarëve të kryeqytetit, duke theksuar rëndësinë e bashkëpunimit dhe përgjegjësisë ndaj qytetarëve.
Ai gjithashtu uroi të gjitha komunat ku LDK-ja doli fituese në balotazhin e mbajtur më 9 nëntor, duke nënvizuar se LDK-ja ka arritur të fitojë gjithsej shtatë komuna në këto zgjedhje.
