Kryetari i LDK-së, Lumir Abdixhiku, ka lavdëruar Shqipërinë për organizimin e Samitit të Komunitetit Politik Evropian, i cili po mbahet sot në Tiranë.
Ai ka vlerësuar se Evropa sot po zbarkon në Tiranë, kurse Kosova po vazhdon të jetë nën sanksione të BE-së.
Në profilin e tij në “Facebook”, ai ka kritikuar Qeverinë Kurti.
“Evropa sot po zbarkon në Tiranë. E gjitha. Me plot 47 liderët e saj. Në Tiranën që tashmë, si epiqendër e re rajonale, është bërë shtëpi nga ku po gdhendet e ardhmja e vet kontinentit. Në këtë të ardhme, pa dyshim, po i bëhet vendi dhe vendit të shqipeve. Kosova, ndërsa, vazhdon të mbetet nën masa e sanksione. Vazhdon të mbetet dhe pa institucione. Mbi të gjitha, vazhdon të mbetet pa ndjenjën e urgjencës për kohën. Nuk ka urgjencë mu tha!”, ka shkruar Abdixhiku.
