Abdixhiku tha se gjatë javëve të shkuara ka takuar qytetarë të shumtë, teksa theksoi se pavararësisht regjioneve, problemet e hallet e qytetarëve janë të njëjta.
“Gjatë javëve të shkuara kam takuar qytetarë në çdo anë të Kosovës. Do të vazhdoj t’i takoj e flasë me ta dhe në javët e muajt në vijim. Pavarësisht qyteteve, anëve e regjioneve, problemet e hallet e tyre janë gjithnjë të njëjta. Flasin për gjendjen e vështirë ekonomike në vend, vështirësitë e tyre rreth përballueshmërisë me çmime, për mungesën e dorës së shtetit në investime kapitale, për kriza të vazhdueshme në arsim e shëndetësi; siç dhe flasin për dimrin e vështirë e krizën energjetike që po afron”, tha ai.
I pari i LDK-së, me anë të një postimi në Facebook, ka thënë se Kosova ka nevojë për Qeveri që nuk ankohet për një Qeveri që sipas tij, ndryshon jetën e familjeve kosovare.
Teksa ka theksuar se partia e tij do të jetë adresë e ndryshimeve në vend.
“Kosova ka nevojë për Qeveri që nuk ankohet, nuk propagandon, nuk arsyetohet – por një që ndryshon njëmendtë vendin dhe jetën e familjeve kosovare. LDK do të jetë jo vetëm zë i njerëzve të lënë pas sot në Kosovë, por dhe adresë e ndryshimeve të domosdoshme në vend”, ka shkruar tutje ai./teve1.info./
