Pas takimit me kryeministrin Kurti, Abdixhiku tha se qëndrimi i LDK-së është të mos bëhet dialog i copëzuar pasi ai është në interes të Serbisë.
“Kryeministri bëri një prezantim të gjashtë pikave që janë të njohura, në këtë drejtim nuk pat ndonjë risi. Qëndrimi i LDK-së është që ne besojmë që dialogimi i copëzuar, pjesë-pjesë, është në interes të Serbisë, prandaj sa më shumë që mbesim në këtë proces, Kosova e ushqen “status-quon” dhe nuk vjen në frymën e kërkuar. Prandaj i kërkuan kryemsinitrit që të jetë i guximshëm, të shkoj në dialog, të kërkoj marrëveshjen finale në respektim të Kushtetutës, integritetit territorial dhe njohje reciproke. LDK një marrëveshje të tillë e mbështet pa dallim dhe çdo marrëveshje ndryshe nuk e mbështet dhe nuk e ushqen politikisht”,tha Abdixhiku.
Ai po ashtu tha se i ka kërkuar Kurtit që të raportoj në Kuvend para çdo takimi në Bruksel dhe pas tij.
“Po ashtu i kërkuam që të raportoj në kuvend të Kosovës ku duhet të raportoj para se të shkoj në dialog dhe të kthehet pasi për këtë ne kemi një rezolutë që i kërkonim edhe Ramush Haradinajt, dhe ai u pajtua që të raportoj në Kuvend dhe presim raportim në Kuvend prej Kurtit. Po ashtu presim që të merren hapa të ri në dialog dhe Kosova të merr njohjen sa më parë”, tha Abdixhiku.
Sa i përket Asociacionit,Abdixhiku tha se qëndrimi i LDK-së është se Kosova ka detyrime ndaj marrëveshjeve ndërkombetare të nënshkruara dhe si i tillë duhet të formohet.
