Pas dështimit të 41-të të seancës konstituive, kryetari i Lidhjes Demokratike të Kosovës, Lumir Abdixhiku, ka thënë se është fatkeqësi e madhe që insistohet në shkelje kushtetuese kur sipas tij ekziston interpretimi i Gjykatës Kushtetuese.
Abdixhiku ka theksuar se moskthimi në rendin e ditës është bërë pengesë e paarsyeshme e një problemi bazik ‘që partia e parë nuk e ka shumicën politike dhe s’po bën përpjekje për të bërë shumicë politike’.
“Është fatkeqësi e madhe që insistohet në shkelje kushtetuese, kur e kemi interpretimin e Gjykatës Kushtetuese. Është fatkeqësi që s’po kthehetmi në rendin e ditës, të cilin e kemi pas të dakorduar me z.Konjufca, në takimin me kryetarët e partive. Pra jemi pajtuar njëherë për një rend të ditës, në mënyrë krejt arbitrare është ndërruar rendi i ditës..”, ka thënë ai.
