Kryetari i Lidhjes Demokratike të Kosovës, Lumir Abdixhiku e ka quajtur trishtim dhe dëshpërim protestën e njësisë Speciale Intervenuese para Qeverisë së Kosovës, raporton teve1.info
Përmes një statusi në Facebook, Abdixhiku ka thënë se heronjtë e Kosovës janë të poshtëruar nga Qeveria e cila sipas tij nuk dëgjon për policët kur ata kanë nevojë.
“Trishtim. Dëshpërim. Njësia më elitare e shtetit detyrohen në protestë. Heronjtë e veriut, djemtë më të zot, të poshtëruar nga një Qeveri që nuk dëgjon për ta kur ata kanë nevojë. Kosova meriton më mirë. Kosova mundet më shumë”, thuhet në njoftim.
